ധോണിയുടെ ഭാര്യ ഓടിവന്ന് കാലിൽ വീണു, എന്റെ പാട്ട് കേട്ടാണ് മകൾ ഉറങ്ങുന്നതെന്ന് പറഞ്ഞു; ജയറാം

ചെന്നൈയിൽ ഐപിഎൽ മത്സരം കാണാനെത്തിയപ്പോൾ ധോണിയുടെ ഭാര്യ സാക്ഷി തന്നെ കാണാൻ വന്നുവെന്നും കണ്ടപാടെ തന്റെ കാലിൽ വീണുവെന്നും ജയറാം പറയുന്നു. ചെന്നൈ സൂപ്പർ കിങ്സിന്റെ മത്സരം കാണാൻ പോയപ്പോഴായിരുന്നു സംഭവം. ജയറാമിന്റെ പുതിയ ചിത്രമായ ‘പരിമള ആൻഡോ കോ’യുടെ പ്രമോഷൻ ഭാഗമായി ഒരു പരിപാടിയിൽ സംസാരിക്കുകയായിരുന്നു നടന്റെ പ്രതികരണം. ആദ്യം ഒന്ന് ഞെട്ടിയെങ്കിലും ധോണിയുടെ മകൾ ഉറങ്ങിയിരുന്നത് നടന്റെ 'അമ്പലപ്പുഴ ഉണ്ണിക്കണ്ണനോട്' എന്ന പാട്ട് കേട്ടിട്ടാണെന്ന് സാക്ഷി പറഞ്ഞുവെന്നും ജയറാം പറഞ്ഞു.

'ഒരാഴ്ച മുൻപാണ് സംഭവം. ചെന്നൈയിൽ ഐപിഎൽ കാണാൻ പോയതായിരുന്നു. ഞാൻ എന്റെ സീറ്റിലിരിക്കുമ്പോൾ ധോണിയുടെ ഭാര്യ സാക്ഷി നടന്നുവരുന്നത് കണ്ടു. ഞാൻ കൂടെയിരുന്നയാളോട് രഹസ്യമായി പറഞ്ഞു അതാണ് ധോണിയുടെ ഭാര്യയെന്ന്. പക്ഷേ യഥാർത്ഥത്തിൽ അവർ എന്റെയടുത്തേക്കാണ് വന്നത്. ദൂരെനിന്ന് ഓടിവന്ന അവർ എന്റെ കാലിൽ വീണു. എന്റെ വലിയ ആരാധികയാണെന്ന് പറഞ്ഞു.

ഞാൻ അമ്പരന്നുപോയി. വേറെ ആരോ ആണെന്ന് വിചാരിച്ച് എന്റെ കാലിൽ വീണതാണോ എന്ന് സംശയിച്ചു. പക്ഷേ അവർക്ക് എന്നെ അറിയാമായിരുന്നു. അവരുടെ ആയ ഒരു മലയാളിയായിരുന്നു. അവർ ധോനിയുടേയും സാക്ഷിയുടേയും മകളായ സിവയ്ക്ക് ഞാനഭിനയിച്ച അമ്പലപ്പുഴെ ഉണ്ണിക്കണ്ണനോട് നീ എന്ന ഗാനം സ്ഥിരമായി പാടിക്കൊടുക്കാറുണ്ടായിരുന്നു. ആ പാട്ടുകേട്ടാണ് ആ കുഞ്ഞ് ഉറങ്ങിയിരുന്നത്." ജയറാം പറഞ്ഞു.

20 വർഷങ്ങൾക്കുശേഷം ജയറാമും ഉർവശിയും നായകനും നായികയുമായി എത്തുന്ന ചിത്രമാണ് പരിമളം ആൻഡ് കോ. പാണ്ഡിരാജാണ് ചിത്രം സംവിധാനം ചെയ്യുന്നത്. യോഗി ബാബു, മിഷ്കിൻ, സാൻഡി, സഞ്ജനാ കൃഷ്ണമൂർത്തി തുടങ്ങിയവരാണ് ചിത്രത്തിൽ മറ്റുപ്രധാനവേഷങ്ങളിൽ. ചിത്രം ജൂൺ അഞ്ചിന് തിയേറ്ററുകളിലെത്തും.

Content Highlights:  Malayalam actor Jayaram recalled an amusing interaction with Sakshi Dhoni during a recent conversation. According to Jayaram, Dhoni’s wife told him that their daughter had fallen asleep while listening to one of his songs. The actor shared the incident humorously, and the comment has quickly gained attention on social media. Fans are widely sharing the light-hearted moment involving the Dhoni family and the veteran actor.